Press & Media

19.07.2007: Vísir.is - Hreinsunarstarf sjálfboðaliða SEEDS á Akranesi, Ísland

Sjálfboðaliðar á vegum SEEDS voru að störfum á Akranesi frá þriðja til sautjánda júlí. Hópurinn vann m.a. að tiltekt og endurbótum á tjaldsvæði bæjarins, auk hreinsunarstarfs við strandlengju Krókalóns og við hjallana á Breiðinni. SEEDS eru íslensk samtök, óháð stjórnvöldum og rekin án hagnaðarsjónarmiðs. Þau bjóða ungu fólki frá hinum ýmsu Evrópulöndum að koma og vinna á Íslandi gegn því að fá fæði og húsnæði. Með þessum hætti leitast SEEDS við að stuðla að mismunandi menningu, sameiginlegum skilningi og verndun umhverfisins. Verkefnið á Akranesi er unnið í samráði við bæjaryfirvöld auk þess að þiggja aðstoð frá umhverfissamtökunum Bláa Hernum.

Að sögn Tómasar Guðmundssonar, markaðsfulltrúa Akraneskaupstaðar, hefur bærinn undanfarið verið að biðja fólk um að hreinsa til í sínu sínu nánasta umhverfi. Auk SEEDS hópsins mun bærinn fá sjálfboðaliða frá Veraldarvinum á næstunni í fleiri umhverfistengd verkefni. Hann segir sjálfboðaliðana frá SEEDS duglega og skemmtilega og að gaman hafi verið að kynnast þeim.

Leiðtogi hópsins á Akranesi var ungur Breti að nafni Matthew Williams en hópmeðlimir voru á aldrinum 22-28 ára. Sagði hann fólk í hópnum hjá sér frá Englandi, Frakklandi, Portúgal, Slóveníu, Tékklandi og Þýskalandi þannig að þar var saman kominn fjölmenningarlegur hópur. Sjálfboðaliðarnir voru í fæði og gistingu hjá Akraneskaupstað og fengu auk þess frítt í sundlaugina og smávægilega vasapeninga. Þeir yfirgáfu bæinn á þriðjudag.

Eins og skemmd tönn í tanngarði

Með þeim í för var forsvarsmaður Bláa Hersins frá Keflavík, Tómas J. Knútsson á forláta GMC trukki árgerð 1942 og hjálpaði hann til við hreinsun. Trukkur þessi er búinn öflugu spili og bómu og nýttist vel til að hífa járnarusl úr fjörunni. Hópurinn var langt kominn með að fylla járnagám frá Hringrás þegar ljósmyndari var á ferðinni sl. mánudagsmorgun, en áttu þó eftir að vinna í fjóra tíma til viðbótar. Tómas segist aðallega vera í þessu til þess að vekja fólk og bæjarstjórnir til umhugsunar og “kveikja neistann.” Hann segist vita það að menn séu vakandi fyrir umhverfismálum, það vanti bara að setja forgang á slík verkefni. Hann segir það vera óskiljanlegan þankagang að henda rusli út í náttúruna og þykir illa farið með fallegt bæjarstæði. Að hans mati er rusl í strandlengjunni “eins og skemmd tönn í fögrum tanngarði Akraness.” Tómas skorar á björgunarsveitina á staðnum og kafara að halda áfram hreinsun strandlengjunnar.

http://www.visir.is/article/20070719/FRETTIR0601/307190011&SearchID=7329512237690

http://www.skessuhorn.is/default.asp?sid_id=24845&tId=99&fre_id=59261&meira=1&Tre_Rod=001|002|&qsr

http://www.akranes.is/default.asp?sid_id=5502&tid=99&fre_Id=59311&Tre_Rod=

18.07.2007: Vísir.is - SEEDS-liðar taka til hendinni á Tálknafirði, Ísland

Hópur sjálfboðaliða er nú að störfum í Tálknafirði á vegum SEEDS, See beyond borders, sem eru alþjóðleg samtök sem vilja stuðla að auknum skilningi fólks á náttúru og umhverfi og samskiptum ólíkra þjóða og menningar. Hópurinn telur sjö manns frá Ástralíu, Ítalíu, Þýskalandi, Belgíu og Tékklandi og hefur sinnt ýmsum verkefnum í Tálknafirði. Þau hafa aðstoðað Aðalbjörgu Þorsteinsdóttur hjá Villimey við að tína jurtir til að nota í krem, þau löguðu stíginn í gegnum skógræktina fyrir ofan tjaldstæðið á Tálknafirði og skemmtu börnunum á leikskólanum Vindheimum. Á föstudag gengu þau svo yfir Tunguheiði milli Tálknafjarðar og Bíldudals og reistu við stikur og bættu við þar sem vantaði á leiðinni. Tálknafjarðarhreppur sér um móttöku og umsjón með hópnum og störfum þeirra ásamt Villimey ehf og Tálknabyggð ehf. Frá þessu er sagt á vef Tálknafjarðar.

http://www.visir.is/article/20070718/FRETTIR0605/307180005/-1/FRETTIR

15.06.2007: Morgunblaðið - Skátar hreinsa fjöruna í Viðey, Ísland

FYRIR skemmstu fór fram fjöruhreinsun í Viðey. Um var að ræða sameiginlegt átak Reykjavíkurborgar, Viðeyingafélagsins og Skátafélagsins Landnema í Reykjavík.

Fjöruhreinsunin síðasta laugardag var liður í hreinsunarátaki í Viðey, því seinna í sumar stendur til að í Viðey starfi tveir hópar frá sjálfboðaliðasamtökunum SEEDS en eitt meginverkefni hópanna verður fjöruhreinsun í eyjunni.

Viðeyingafélagið er með félagsheimili sitt í Viðey í gömlum vatnstanki frá tíð "Milljónafélagsins" og hreinsuðu félagsmenn meðal annars húsgrunna og plön gamla þorpsins. Er hreinsunin liður í undirbúningi að Viðeyjarhátíð þann 25. ágúst þar sem minnst verður þess að 100 ár eru liðin frá stofnun "Milljónafélagsins" sem hét réttu nafni P. J. Thorsteinsson & Co. En stofnun félagsins markaði upphafi að byggingu þorpsins í Viðey sem varð miðstöð þessa útgerðarrisa.

Skátafélagið Landnemar í Reykjavík heldur á Jónsmessunni Landnemamót sitt í Viðey og hefur gert í áratugi. Í fjöruhreinsuninni var tekið til handargagns töluvert magn timburs sem notað verður í Sólstöðuvarðeld föstudagskvöldið 22. júní. Varðeldurinn er hluti af Landnemamótinu en almenningi gefst tækifæri á að taka þátt og upplifa sanna skátastemningu í Viðey. Á undan verður þreytt Skúlaskeið, Felix Bergsson leikari skemmtir og öllum verðurboðið í grillveislu. Eftir varðeldinn verður svo miðnætur- og lífsfagnaðarmessa.

http://mbl.is/mm/gagnasafn/grein.html?radnr=1150600

31.05.2007: bildudalur.is - Population of Patreksfjörður increased by 2,75% !, Ísland

Last week we arrived in the Westfjörds we are a group of 22 international volunteers from 12 different countries including Belgium, Canada, Czech Republic, England, France, The Netherlands, Hungary, Italy, Portugal, Slovakia, Switzerland and the USA.

Our colourful group performed different tasks in Patreksfjörður in order to emebellish the town and help the local community. First we cleaned the coast-line by removing 20 tonnes of rusted iron and then we spruced up the town's old swimming pool in preparation for the closing session and barbecue of the Skjaldborg -Hátíð íslenskra heimildamyndafilm- festival. A great evening of Icelandic fish & drinks on Sunday the 27th !

Last but not least, we had the opportunity to work at the very beautiful the beach in Rauðasandur, the area is famous and has this name because of it's unusual red sand. The beach is also home to many seals and for two days 17 of the SEEDS' volunteers, who did a great job of cleaning the area. The trash comes to the beach throughout the year, mainly from fishing boats that are beached by sea streams and storms on Rauðasandur's coast-line.

During this time the volunteers rescued a baby seal trapped in iron strings and helped it to get back to the sea!!

Now in Bíldudalur, until Saturday, the SEEDS' volunteers will perform different tasks including mapping trees and birds of the area, investigating the possibilities of development in the area to allow people to come and enjoy the natural beauty, organising activities for the youth of the town and finally to keep this website up to date so that we can all read the news of Bíldudalur!

SEEDS is very thankful to the communities of Vesturbyggð who are taking part in this project: Hosting a group of 22 volunteers is not an easy task, and, we at SEEDS, think that by trying unfamiliar situations, that we are learning the most from each other.

By bringing people from different cultures, backgrounds, and perspectives, mixing them together, and giving them the opportunities to perform tasks in unknown settings, SEEDS aims at promoting peace, respect for cultural diversity, mutual understanding and environment protection; in this way we believe that we empower, encourage and aid people of all ages, cultures, and backgrounds.

SEEDS has been working for the last 1.5 years, trying to give the opportunities to people from all over the world to discover Iceland from a responsible point of view. By bringing people together in an informal way we can show a piece of their culture to the locals, and we hope that they will take a piece of Icelandic culture different than the one you can buy at a souvenir shop !

SEEDS works closely with similar NGOs all over the globe and is trying this year to spread the message among the Icelandic youth about the possibilities of going overseas to join similar projects among international groups in more than 70 countries like Great Britain, Spain, Japan, Mexico, Morocco, Denmark, Thailand, Serbia, Greece, France, to perform tasks as exciting as cleaning dinosaur footprints, working with sea turtle, marking ancient marathon paths, etc.

Do you want to know more about SEEDS? Please have a look at our website at www.seedsiceland.org, we will run this summer 21 projects around Iceland with almost 300 participants from 30 different countries ! Two of them will take place again in Vesturbyggð. We will have again the pleasure to meet you this summer with new international volunteers !

http://www.bildudalur.is/?c=webpage&id=160

01.05.2007: Morgunblaðið - Að fæla apa frá ökrum eða starfa í sirkus, Ísland

Þær eru rétt að byrja í því að leggja sitt af mörkum til að gera heiminn betri og upplifa ævintýri í leiðinni. Kristín Heiða Kristinsdóttir hitti tvær ungar konur sem hafa tekið þátt í sjálfboðastarfi úti í heimi.

Þetta er frábært tækifæri til að víkka sjóndeildarhringinn, kynnast ólíkum löndum, ólíkri menningu og skemmtilegu fólki. Tækifæri til að búa tímabundið með alls konar fólki, skiptast á skoðunum og vinna með því. Þetta er í raun frábær skóli," segja þær Elín Sigríður Sævarsdóttir og Lilja Rún Tumadóttir sem fóru í fyrrasumar til Litháens og tóku þátt í ungmennaskiptum á vegum SEEDS-Iceland, sem eru íslensk samtök sem snúast um samvinnu á heimsvísu og verndun jarðarinnar. "Við vorum fimm sem fórum héðan frá Íslandi í ungmennaskipti til Litháens, þar sem við tókum þátt í verkefni um nýtingu sorps. Allir komu með sjónarmið frá sínu landi og saman bjuggum við til kennsluefni fyrir grunnskólakrakka um verndun umhverfisins. Við ferðuðumst líka um og vorum með kvöldvökur."

Elín og Lilja segja að SEEDS stuðli að menningarlegum skilningi í gegnum vinnu, en einnig sé hægt að fara á ráðstefnur og í ungmennaskipti. "Við tökum á móti útlendingum í verkefni hér á Íslandi og við sendum líka Íslendinga utan til að sinna verkefnum þar. Í fyrra fóru fimmtán manns héðan en við tókum á móti 160 erlendum sjálfboðaliðum sem komu hingað til lands og tóku þátt í alls konar verkefnum. Til dæmis við að undirbúa Fiskidaginn mikla á Dalvík, Reykjavíkurmaraþon og Menningarnótt. Einnig voru lagfærðir göngustígar í Þórsmörk og í Landmannalaugum."

SEEDS-samtökin voru stofnuð fyrir einu og hálfu ári af þremur ungum mönnum sem allir höfðu reynslu af sjálfboðastörfum, þeim Viktori Þórissyni, Oscari-Mauricio Uscategui og Héctor Angarita.

"Fólk á öllum aldri getur tekið þátt í verkefnum á vegum SEEDS en þó eru flestir 18–26 ára. Vinsælast er að fara til framandi landa, eins og Indlands eða Brasilíu. Verkefnin eru ótrúlega fjölbreytt, til dæmis var hægt að starfa í farandsirkus eða fæla apa með flugeldum frá ökrum í Japan. Þeir sem taka þátt í verkefnum þurfa aðeins að borga fargjaldið en þeim er séð fyrir fæði og húsnæði. Þeir sem fara á ráðstefnu eða ungmennaskipti fá greidd 70% af ferðakostnaðinum frá Evrópusambandinu," segja þær Elín og Lilja sem báðar eru í stjórn hjá SEEDS.

"Þetta árið stendur íslenskum ungmennum til boða að taka þátt í sjálfboðavinnu í yfir 80 löndum víðsvegar um heiminn og verkefnin sem hægt er að velja um eru rúmlega þrjú þúsund. Þetta eru alls konar verkefni sem tengjast ekki endilega öll umhverfismálum þó sum þeirra geri það. Til dæmis koma tólf erlendir einstaklingar hingað til lands í maí og þeir munu m.a. hjálpa til við undirbúning Listahátíðar í Reykjavík. Hjá SEEDS-samtökunum er í boði að gera göngustíga í þjóðgarði á Ítalíu og koma að byggingu skóla fyrir börn á hálendi Kenía, svo eitthvað sé nefnt. Við erum ákveðnar í að fara aftur utan í sumar til að taka þátt, það er engin spurning. Eina vandamálið er að velja úr öllum þessum spennandi verkefnum."

www.seedsiceland.org Áhugasamir hafi samband við skrifstofu SEEDS í síma 845-6178

http://mbl.is/mm/gagnasafn/grein.html?radnr=1142725

  Download Morgunblaðið - Að fæla apa frá ökrum eða starfa í sirkus